Return to site

NEW YOU

the new you in 5 easy steps

· Workshops - Courses

سمعتى قبل كده عن الورد اللى "نسى نفسه" ؟

"انتى نسيتى نفسك ولا ايه ؟ "....جملة مشهورة جدا بيننا فى بداية المشادات الكلامية ..

لكن الواقع انه ممكن فعلا يكون سؤال حقيقي الغرض منه الاستفهام ... انتى نسيتى نفسك ؟ نسيتى انك لسه انثى .. انثى بتحب تبقى جميلة و مشرقة و واثقة من نفسها .... بره بيتها وجواه ... انثي فى كل وقت ..

متكونيش "اسطنبة"

دراسات كتير جدا اثبتت ان فى علاقة قوية بين اتساق وجمال المظهر الخارجى و بين ثقة الانثى فى نفسها ... لما بنكون غارقانين فى وسط مسؤوليات ومتطلبات بيت و زوج و اولاد و احيانا كمان اعباء عمل .. بننسى اننا فى الاول والاخر عبارة عن "انثى" ربنا خلقها وفى غريزيتها انها تبقى حلوه وجميلة و مرغوبة ... دى الغريزة اللى ربنا خلقنا بيها ... واللى كتير مننا بينساها بعد الجواز والخلفة و زحمة مشاكل الحياه ..

و اللى بيزود الطينة بله ... اننا بعد الحمل و الولاده كمان بنلاقى كتير مننا وزنه زاد و مبقتش عارفه تلبس ولا تختار و لاحتى تحافظ على مظهرها بشكل عام .. اعتقادا منها ان هى دى الحياه وانها لازم تكون "اسطنبة" من كل الستات المصريات بعد الحمل والولاده وان خلاص مبقاش مهم انها تاخد بالها من لبسها ومظهرها و تتناسى مدى تأثير القناعات السلبية دى على رؤيتها لنفسها و على حالتها النفسية عموما و اللى بينعكس على نجاحا وانجازاتها فى الحياة سواء فى شغلها او حتى فى بيتها مع زوجها و اولادها ..

الثقب الأسود

انا مش عارفة البس عشان المقاسات .... أصلى لازم اخس الأول عشان اعرف الاقى موديلات حلوة تليق عليا .... معنديش وقت افكر وأقعد انقى و اختار .... اصل انا محجبة و مينفعش الاقى حاجه مناسبة لحجابى ...

لو كنتى بتقولى لنفسك حاجه من الجمل أو "الاعذار" اللى مكتوبة فوق دى ... فا أحب اقولك لا ... انتى من حقك يكون مظهرك جميل بالرغم من اى ظروف... لو فضلتى متمسكة بالافكار اللى فوق دي...فا يؤسفنى اقلك انك كأنك دخلتى فى دوامة أو زى ما بيقولوا بتوع الفلك دخلتى فى ثقب أسود .. فجوة زمنية غير معلومة الملامح و لا الابعاد ... ومحدش يعرف هتطلعى منه امتى ... لانك بتعتقدى فى افكار غير حقيقية بالمرة ... بالعكس انتى تقدرى تلبسى و تبقى شيك وشكلك ومظهرك جميل بالرغم من اى اسباب ممكن تكون موجودة فى حياتك ...مفيش حاجه تمنعك .. هأقولك ازاى...

… New YOU …

انتى ممكن يكون وزنك زايد او تكون طبيعة جسمك اصلا كيرفي او بسبب الحمل والولادة وعدم ممارستك للرياضه لمدة طويلة يكون شكلك اتغير شوية... ولكن لو عرفتى الاسرار اللى ورا الالوان وأساليب اختيار اللبس .. هتلاقى الموضوع ابسط من اللى فى خيالك بكتير وهتقدرى بخطوات سهلة تغيرى من مظهرك 180 درجة ...

عشان كده بدعوكى تنضمى لينا فى مجتمعنا

The New You

...بتاخدي كورس خاص معايا اللى هتتعلمى فيه حاجات كتير هتغير نظرتك لنفسك ولأسلوب اختيارك للبس و الميك اب و الاكسسوارات ... مظهرك هيتغير بالكامل بعد ما هتتعلمى 5 خطوات سحرية ...هتوصلى بيهم للاصدار الأفضل و الأروع و الأجمل ...

اكتشفى ال 5 مراحل السحرية لتغيير مظهرك بشكل متكامل :

بعد الانتهاء من الكورس ده هتكونى اتعرفتى على اهم 5 مراحل اللى هيوصلوكى لافضل اسلوب لاختيار وتطبيق كل ما يخص مظهرك :

1- Your Personal style

2- Color Coding & It’s reflection

& How to apply your makeup application.

3- Styling Body types

4- Wardrobe Capsules

5- Personal Shopping

طبعا هتقولى .. لأ بس انا استايل جسمى مش مناسب ...او ان لون بشرتى مثلا مش بينفع معاه كل الالوان ... او مش كل الموضة بتليق عليا ...

فااحب اطمنك و أقولك ... انى متفقة معاكى جدا فى كل كلمة .. وحاسة كويس أوى باللي انتي بتتكلمى فيه ... لكن خلينى اوضحلك ان اصبح فى علم حقيقى دلوقتى بيشرح ويبين ويعلم الناس ازاى يعرفوا يغيروا كتير من مظهرهم ... وانا هأشرحلك واتناقش معاكى و أسمعك كويس اثناء الورشة دى لغاية ما اوصلك كل المعلومات اللى هتحتاجيها ... لانى هتكلم معاكى بشكل مفصل مش مجرد خطوط عريضة ...

ليه بقى عمرك أصغر مع ريهام عصام ؟

ريهام عصام

(Image Consultant)

خبيرة فى كل ما يخص مظهر المرأه .. ومهتمه بجمال المرأه من الخارج والداخل ... مهندسة ديكور خريجة فنون جميلة، وشغوفة جدا بمجال الموضة وأفكاري معجونة بعشقي للألوان ... مؤمنة بأن البساطة هى أصل الجمال وإن الجمال موجود جوانا وحوالينا في كل مكان ...

درست علوم كتير واتعلمت واتدربت واخدت شهادات عالمية فى مجال الموضة واختيار الالوان والميك اب .... سافرت دول بعيدة زى "جنوب افريقيا"عشان التقى بمدربين عالميين اتدرب على اديهم واصقل الموهبة اللى ربنا انعم عليا بيها ...

تمت استضافاتى فى مؤتمرات وفعاليات كتير ...و القيت محاضرات عشان اوضح قد ايه سهل علينا كبنات وسيدات اننا نهتم بنفسنا ونغير من مظهرنا من غير ده ما يتعارض مع مسؤلياتنا ولا قيمنا و مبادئنا ... بالعكس ده بيقوي ثقتنا نفسنا و اللى بينتج علاقات سوية بازواجنا و شركاء الحياه بشكل خاص ... و كل الناس اللى بنتعامل معاهم بشكل عام ...

علمت و ساعدت سيدات و بنات كتير فى مصر انهم يغيروا من مظهرهم و يخرجوا من القوالب اللى المجتمع والناس حطونا فيها زى ان الاحتشام ضد الشياكه ... وان الست بمجرد ما تخلف لازم تنسي روحها ومتركزش فى لبسها وشكلها و مظهرها ... الحمد لله بفضل ربنا ... قدرت انى اغير كتير من المفاهيم الخاطئة دى ... وان كتير من السيدات والبنات الللى اشتغلت معاهم خرجوا بمظهر اجمل و اصغر سنا ...

Meet your NEW YOU after 3 Days course one-to-one coaching

انا بوعدك بعد٣ ايام تدريب اللى هنقضيهم مع بعض فى الكورس الخاص بيكي... وانك هتقابلى نفسك الحقيقية .. الوردة الجميلة اللى نسيت نفسها ونسيت جمالها و مظهرها ...الوردة اللى فاكرة "خطئا" ان سنها كبر وان راحت خلاص عليها ... ايوه احنا فعلا زى الورد اللى بيفتح و جمالة يزيد لو اتعلمتي ازاى تعتنى و تهتمي بيه ...

انا واثقة ان افكارك عن الوان لبسك واستايل و تركيب الاطقم و الميك اب و حتى لفة الطرحة و موديلاتك ودولابك .. كل الافكار دى هتتغير و تتحرك و تتشقلب وتديكى أحلى و ألمع و اجمل نسخة منك .. النسخة الأصلية ...لكن بشكل جديد ...

للحجز والاستفسار....هاستناكى تتصلى على الارقام دى:

01006118007 / 01111100739

جميع الأيام ما عدا يوم الجمعة

من ٨ صباحا والي ٨ مساءا

او

للتواصل : info@rihamessam.com
او إرسال رسالة على صفحة الفيسبوك @RihamEssam-Imageconsultant
او الانستجرام : @riham_essam

ملحوظه هامة جدا : بيتم الحجز بإيداع بنكي 50٪ من قيمة الخدمة المطلوبة ... انتى محتاجة تاخدى قرار مهم .. قرار باسترداد جمالك و مظهرك الرائع... يشرفنى اتصالك وحضورك ...

All Posts
×

Almost done…

We just sent you an email. Please click the link in the email to confirm your subscription!

OKSubscriptions powered by Strikingly